Mamlakatimizga tashrif buyurgan “General Motors Europe” kompaniyasi prezidenti Karl Peter Foster va “GM Daewoo Auto & Tehnology” kompaniyasi prezidenti Maykl Grimaldi 8 oktabr kuni O‘zbekiston Respublikasi Bosh vazirining o‘rinbosarlari Rustam Azimov va Quvondiq Sanaqulov bilan uchrashdi. Muzokaralarda “O‘zDEUavto” aksiyadorlik jamiyati negizida “Shevrole” avtomobillarini ishlab chiqarish va sotish bo‘yicha “GM O‘zbekiston” qo‘shma korxonasini tashkil etish masalasi ko‘rib chiqildi.
